مالك  شي عندي صافي حسابـي              أنا اللي  أطالبك بس يوم الحساب

ماراح أتنازل عن لحظات عذابـي              كيف  أتنازل وأسقيتني مر العذاب

شيبت راسـي وضيعت  شبابـي              و أنا توي صغير وباقـي شبـاب

شمّت فيني من جرحك  أصحابـي              وبهالزمن مايتشمت غير الأصحاب

خسرت  من ورى حبك أحبابـي              يا خساره شمّت فيني حتى الأحباب

كنت أحبك وحبي أعمى صوابـي             صرت ما عرف الخطأ من الصواب

كان حبك ساكن بوسط أهدابـي              وكنت أفديك برموشي و الأهداب

كنت توهمـني بشوقك في غيابـي             وكنت تقول ماتتحمل لحظة غياب

وياماقلت ماتقدر تنام من أسبابـي             طلع كله كذب ولااعرف الأسباب

مو حرام عليك تحـرق  أعصابـي             وتخليني من بعدك بدون أعصـاب

أخاف أدعي عليك دعائي يُجَابـي             لأن دعاء المظلوم بإذن الله مجـاب

كلمات

د. أديب بازهير

مغرم رومانسية

adeebmsg@hotmail.com